''Պօղոս Զ. Տեսայ եւ հաւատացի - Քահանայապետութեան տարիները (1963-1978)'' գիրքի ներկայացում։

Հինգշաբթի, 16 հոկտեմբերին, երեկոյեան ժամը 6-ին, Հռոմի ''Մարիա Սանդիսսիմա Ասսունդա'' անուան համալսարանի դահլիճին մէջ, տեղի կ՝ունենայ
Վատիկանի հրատարակչատան ՝՝Պօղոս Զ. տեսայ եւ հաւատացի - Քահանայապետութեան տարիները (1963-1978)'' խորագիրը կրող գիրքի ներկայացումը։
Գիրքին հեղինակն է Հայր Ճանֆրանքօ Կրիէքօ ՝ Քահանայապետական ընտանիքի խորհուրդի գրասենեակի ընդհանուր տնօրէն։
Գիրքի ներկայացումին առթիւ ելոյթ կ՝ունենան Վատիկանեան Տիեզերական Բ ժողովի եւ Պօղոս Զ Պապի քահանայապետութեան պատմութեան մասնագէտ` պատմաբան Ակոսթինօ Արքեպիսկոպոս Մարքէթթօ, Լումսա համալսարանի երբեմնի տեսուչ՝ Տիար Ժուզէփփէ Տալլա Թորրէ, Սուրբ Աթոռի Օսէրվաթորէ Ռոմանօ թերթին տնօրէն՝ տիար Ճովաննի Մարիա Վիան եւ Սուրբ Աթոռի մամլոյ գրասենեակի փոխ տնօրէն տիար Անժէլօ Շէլծօ.
Վերոյիշեալ գիրքին հեղինակը` Հայր Կրիէքօ, 37 տարի շարունակ աշխատած է Օսսէրվաթորէ Ռոմանօ թերթին խմբագրական կազմին մէջ։ Ան իր գիրքով ընթերցողներուն առիթ կ՝ընծայէ վերապրիլ Պօղոս Զ Պապի քահանայապետութեան ժամանկաշրջանը։
Յայտնենք, թէ յառաջիկայ 19 հոտեմբերին, Վատիկանի մէջ կայանալիք երանացումի արարողութեամբ, երջանկայիշատակ Քահանայապետը պիտի արժանանայ խորաններու պատւոյն։