2016-ի երիտասարդութեան համաշխարհային օրուայ պաշտօնական օրհներգի յօրինման մրցանակը:
(Ռ.Վ. 15 հոկտեմբեր 2014) Լեհաստանի մէջ կայանալիք` 2016-ի երիտասարդութեան համաշխարհային
օրուայ առթիւ պաշտօնական օրհներգի յօրինման մրցանակը յանձնուած է Լեհ երաժշտագէտ` Եաքուպ
Պլիշարզին, յայտնած է աշխարհականներու քահանայապետական խորհուրդի կազմակերպիչ կոմիտէն։
Մրցումին մասնակցած են 94 երաժշտագէտներ։ Քննիչ յանձնախումբը ընտրած է` "Պլոկոզլավիէնի
Միլոզիէրնի - երանի ողորմածներուն'', բառերով սկսող իրաւաբան` Եաքուպ Պլիշարզին-ի
յօրինած օրհներգը։ Պլիշարզի Լեհաստանի մէջ ճանչցուած է որպէս ծիսական տաղեր յօրինող
եւ նուագահան։ Օրհներգը պաշտօնապէս հանրութեան պիտի ներկայացուի յառաջիկայ 28 Հոկտեմբեր
2014-ին Քրաքովիայի մէջ։ Յառաջիկայ երիտասարդութեան համաշխարհային օրը տեղի պիտի
ունենայ ՔրաՔովիա` ս. Յովհաննէս Պօղոս Բ-ի ծննդավայրը, 25 Յուլիսէն մէկ Օգոստոս 2016,
որուն պիտի հանդիսապետէ ֆրանչիսկոս Քահանայապետը, ինչպէս նախապէս կատարեց Պրազիլ` Ռիոյի
մէջ։ Կազմակերպիչ կոմիտէն կազմուած է 37 անձերէ, նախագահութեամբ քաղաքի առաջնորդ կարդինալ
Սդանիզլաու Ճիվիչի, որ եղած է լեհ Քահանայապետի անձնական քարտուղարը։