Կիրակի, 12 հոկտեմբերին «Էրեբունի-Երեւան 2796» տօնակատարութեան ձեռնարկներու շարքին
Երեւանի քաղաքապետարանի յարակից հրապարակին մէջ տեղի ունեցած հանդիսութենէն ետք քաղաքապետ
Տարօն Մարգարեան տօնական շքերթի շուրջ 25 հազար մասնակիցներու ընկերակցութեամբ հանդիսաւոր
քայլերթով ուղղուեցան դէպի Հանրապետութեան հրապարակ: Շքերթին իրենց կատարումներով հանդէս
եկան պարային եւ մարզամշակութային խումբեր: Նախագահ Սերժ Սարգսեան, Երեւանի քաղաքապետ
Տարօն Մարգարեանի ընկերակցութեամբ ներկայ էր մայրաքաղաքի գլխաւոր պողոտայի` Նալպանտեան-Հանրապետութեան
փողոցներուն միջեւ գտնուող այգիի հանդիսաւոր բացման արարողութեան: Հանրապետութեան
նախագահը այնուհետեւ Նոր Նորք վարչական շրջանին մէջ ներկայ էր նորվեկիացի Խաղաղութեան
Նոպելեան մրցանակակիր Ֆրիտիոֆ Նանսենի անուան թանգարանի եւ Ս. Աստուածածին եկեղեցի յուշահամալիրի
բացման արարողութեան: Յուշահամալիրը կը ներառէ հայ ժողովուրդի պատմութեան հերոսական եւ
ողբերգական էջերէն, անուանի հայորդիներուն եւ հայ ժողովուրդի բարեկամներուն նուիրուած
շուրջ 30 յուշարձան եւ խաչքար: Այցելութիւն կատարուեցաւ նաեւ Ալ. Սպենդիարեանի անուան
օփերայի եւ պալէի ազգային ակադեմական թատրոնի յարակից տարածքը` դիտելու «Երեք ժամանակներ»
լուսանկարչական տաղաւարները, Ազատութեան հրապարակին մէջ` «Երեւանեան շուրջպար» ազգային
պարերը, Հիւսիսային պողոտային մէջ` զրուցելու տօնը նշող երեւանցիներուն հետ: