Traktat i devocionit të vërtetë për Marinë: “Të vërtetat themelore të devocionit të
Marisë” par. 89
Duke shfletuar veprën “Traktat i devocionit të vërtetë për Marinë”, shkruar nga
Shën Luigji Maria Grignion de Monfort, filluam dje të flasim për të vërtetën e
pestë të këtij përkushtimi ndaj Zojës. “Është shumë e vështirë, duke pasur parasysh
ligështinë tonë, t’i ruajmë në shpirt thesaret, që morëm nga Hyji”, shkruan shën Luigji.
Dje ju shpjeguam dy aryse për këtë. Sot, arsyeja e tretë.
Është tepër e vështirë
të mbetesh njeri i drejtë, për shkak të korrupsionit të pabesueshëm të botës. Bota
është aq e kalbur, sa as zemrat përplot me fe nuk mund të mos njollosen nga balta
e saj, ose, së paku, të patite nga pluhuri i saj; prandaj është një lloj mrekullie
që njeriu të mbetet në këmbë në mes të këtij përroi të turrshëm e të shpëtojë pa u
hequr zvarrë e pa u flakur në detin e stuhishëm, pa u fundosur ose pa u plaçkitur
nga piratët e nga kusarët, a të shpëtojë, në mes të këtij ajri të molepsur, pa u dëmtuar
rëndë. Është Virgjëra, e pakrahasueshme për besnikëri, mbi të cilën gjarpëri nuk mundi
të kishte të kurrë pushtet, që e bën këtë mrekulli për gjithë ata, të cilët e duan
me të vërtetë.