Пантыфік паставіў у прыклад італьянскага законніка
Пантыфік заклікаў
вернікаў браць прыклад з благаслаўлёнага айца Франчэска Дзырана, з Ордэна Братоў Меншых
Канвентуальных, які пажадаў быць забітым, чым адмовіцца ад сваёй веры. Беатыфікацыя
законніка прайшла 12 кастрычніка раніцай у італьянскім Сасары. “Давайце славіць Бога
за гэтага святара і мучаніка, гераічнага сведку Евангелля. Яго смеласць і вернасць
Хрысту з’яўляецца вялікімі і красамоўным актам, асабліва ў кантэксце бязлітаснага
пераследу хрысціян”, - сказаў Папа пасля малітвы “Анёл Панскі” на галоўнай ватыканскай
плошчы.
Айцец Франчэска Дзырана быў забіты ў 1603 г. у Алжыры. Законнік па
благаслаўленні папы Клімента VIII займаўся зборам грошай для выкупу хрысціян, якія
знаходзіліся ў палоне ў мусульман. Здраднікі выдалі яго алжырскім уладам. Святару
была прапанавана жыццё ў абмен на пераход у іслам, але ён палічыў за лепшае смерць
у імя Хрыста.
Папа Францішак таксама выказаў салідарнасць з жыхарамі італьянскага
горада Генуя, моцна пацярпелага ад паводкі. “Я запэўніваю Вас у сваіх малітвах за
ахвяр і за тых, хто сур’ёзна пацярпеў”, - сказаў Святы Айцец і даверыў усіх апецы
Маці Божай.