Կարդինալ Փարոլինի գնահատումով ընտանիքի արտակարգ սիւնհոդոսը կ՛ընթանայ եղբայրակցութեան
ու ազատութեան մթնոլորտի մէջ։
(Ռ.Վ. 10 հոկտեմբեր 2014) Ս. Աթոռի Պետական քարտուղարը` կարդինալ Փարոլին Ռատիովատիկանի
ձայնասփիւռին հետ ունեցած ելոյթով հաստատած է որ ընտանիքի եպիսկոպոսական արտակարգ սիւնհոդոսը
լաւ ընթացքի մէջ է եւ կարողացած է ստեղծել եղբայրակցութեան ու ազատութեան մթնոլորտ մը,
ինչպէս խնդրած էր ֆրանչիսկոս Քահանայապետը, սիւնհոդոսի առաջին նիստին ընթացքին։ Կարդինալը
դժուարութեան մէջ գտնուող ընտանիքներուն կը յիշեցնէ որ այս սիւնհոդոսը յուսադրիչ է քանի
Եկեղեցին ու Քահանայապետը մօտ են ընտանիքներուն որ պէտք չէ յուսալքուին, որովհետեւ դժուարութիւններուն
կարելի է լուծում գտնել։ Սիւնհոդոսը կը խօսի ընտանիքներու Աւետարանին մասին։ Ընտանիքի
Աւետարանը նոյնինքն Քրիստոսն է։ Քրիստոսը ընտանիքի հետ է։ Հոն ուր Քրիստոս կայ պատճառ
մը չկայ յուսալքուելու ի գին բոլոր դժուարութիւններու եւ խոչընդոտներու։ Եկեղեցին, ըսաւ
կարդինալ Փարոլին իր խօսքը եզրափակելով, մօտ է ընտանիքին իր զօրակցութեամբ ու աղօթքով։