Սուրիոյ Քնայէ գիւղաքաղաքի մէջ առեւանգուած Հայր Հաննա Ժալլուֆ ու չորս տիկիններ ազատ
արձակուեցան։
(Ռ.Վ. 09 հոկտեմբեր 2014) Վատիկանի Ֆիտէս լրատու գործակալութիւնը կը հաղորդէ
թէ երէկ` չորեքշաբթի, 8 հոկտեմբերին, ազատ արձակուեցան անցեալ օրերուն Սուրիոյ Քնայէ
գիւղաքաղաքին մէջ առեւանգուած Ֆրանչիսկեան Հայր Հաննա Ժալլուֆ ու անոր հետ եղող 4 տիկիններ
մինչ այլ առեւանգուած անհատներու ճակատագիրը կը մնայ տակաւին անյայտ։ Այս լուրը Ֆիտէսին
հաղորդած է Հալէպի մէջ լատիններու առաքելական փոխանորդ` գերապայծառ Ժորժ Ապու Խազէն Մինչ
Սուրբ Երկրի պահակութիւնը յայտնեց թէ Հայր Հաննա ''տնային կալանի'' ենթարկուած է, իսլամական
դատարանի կողմէ։