Аўдытары Сінода: сужэнства, як дом, будуецца паступова
У грамадскім кантэксце,
якому характэрна празмерная эратызацыя і аддзяленне сексу ад кахання, неабходна такое
пастырскае служэнне, якое спрыяла б развіццю сужэнскай і сямейнай містыкі. На важную
ролю адукацыі, якая б ставіла сексуальнасць на службу каханню, звярнулі ўвагу ўдзельнікі
Сінода Біскупаў. Кіраўнікі Аўстралійскай каталіцкай рады сям’і і сужэнства, аўдытары
Сінода, Раман і Мавіс Пірола лічаць, што “у грамадстве існуе меркаванне, што секс
па-за шлюбам лепшы, што ў сужэнстве няма месца для сексуальнасці. Гэта смешна! Колькі
няшчасных юнакоў і дзяўчат блукаюць у пошуках сексуальнага досведу па-за шлюбам, але,
на жаль, гэта заканчваецца для іх вялікім болем. Менавіта ў сужэнстве можна пазнаць
найвялікшую ступень кахання”.
Сужонкі Пірола прызналіся, што яны жанатыя ўжо
55 гадоў, і як і іншыя сямейныя пары, перажылі шмат праблем, але ўсё яшчэ закаханыя
адно ў аднаго. “Сужэнства – як дом, будуецца паступова, памалу, кожны дзень. Часам
мы робім памылкі, але, дзякуючы добрай волі, ідзем наперад і адчуваем сябе ўсё больш
злучанымі”, - засведчылі аўдытары Сінода Біскупаў.