Սուրբ գիրքի 15000 օրինակներ կը բաշխուին Սուրբ Պետրոսի հրապարակին վրայ։

Կիրակի, 5 հոկտեմբերին, Ֆրանչիսկոս Քահանայապետի կիրակնօրեայ Մարեմեան աղօթքի ընթացքին, Սուրբ Պետրոսի հրապարակին վրայ, Սուրբ Գիրքի 15000 օրինակները հաւատացեալներուն պիտի բաշխուին ձրիաբար։
Սուրբ գիրքի բաշխումի նախաձեռնութիւնը կազմակերպած է ''Փաուլինա'' միաբանութիւնը, նշելու հիմնադրութեան 100 ամեակը ու յատկանշելու ''Ընտանիքին'' մասին գումարուած Եպիսկոպոսական սիւնհոդոսը։
''Փաուլիներու'' միաբանութիւնը ` սոյն նախաձեռնութեամբ կ՛ուզէ վերյիշել 1960 թուականին տպագրատան հիմնադիրի կողմէ ստանձնած ջանքերը տպագրելով Սուրբ գիրքի մէկ միլիոն օրինակ, որպէս նպատակ ունենալով՝ Աստուծոյ խօսքը հասցնել ամէն մէկ տուն եւ մինչեւ հեռաւոր արուարձանները։