Առաջին անգամուան համար Վատիկանի մէջ տիկին մը կը նշանակուի անդամ Ժողովուրդներու աւետարանութեան
ժողովին:
''Կիները շատ բան ունին տալիք Եկեղեցւոյ, շնորհիւ իրենց խարիսմին ու անհատական իւրայատկութեան'',
յայտարարած է կրօնաւորուհի Լուչիա Բրեմոլի` որ վերջերս նշանակուեցաւ որպէս անդամ Ժողովուրդներու
աւետարանութեան ժողովին։ Կրօնաւորուհի Լուչիա Բրեմոլի` ընդհանուր մեծաւոր Քոմպոնեան
իգական միաբանութեան, ի լուր անուանումին յայտնած է իր զարմանքն ու ցնծութիւնը։ Այս նշանակումով,
ըսած ան, ֆրանչիսկոս Քահանայապետին կամքը դրական կը դառնայ։ Ան միշտ ուզած է որ կիները
բարձրաստիճան դիրք մը գրաւեն Եկեղեցւոյ մէջ։ Կրօնաւորուհի Լուչիա Բրեմոլի, 23 տարեկանին
անդամ դարձած էր Քոմպոնեան իգական միաբանութեան, 8 տարի պաշտօնավարեց Մոզամբիկ եւ այլ
8 տարիներ Պրազիլ, ուր տեղական մեծաւորուհի եղած է։ 2010-ին ընտրուեցաւ որպէս իր միաբանութեան
ընդհանուր մեծաւորուհի։