Nga 2 deri më 4 tetor, takim për Lindjen e Mesme në Vatikan
Një takim, për të diskutuar së bashku me Papën Françesku, mbi krizën që prej kohësh
ka përfshirë Lindjen e Mesme. Nga data 2 deri më 4 tetor, në Vatikan, do të mblidhen
nuncët apostolikë të rajonit me eprorët e Kuries Romake. Komunikata zyrtare vatikanase
njofton se do të marrin pjesë përfaqësuesit papnorë të Egjiptit, Izraelit/Jeruzalemit/Palestinës,
Jordanisë/Irakut, Iranit, Libanit, Sirisë, Turqisë, si edhe vëzhguesit e Selisë së
Shenjtë në OKB e në Bashkimin Evropian. Papa Françesku do t’i përshëndesë pjesëmarrësit
në fillim të takimit, paraditen e së enjtes, 2 tetor.