Ֆրանչիսկոս Պապի պատգամը Վատիկանի Պետական ոստիկանութեան պաշտպան Սուրբ՝ Միքայէլ Հրեշտակապետի
տօնին եւ հիմնադրութեան 198-րդ ամեակի առթիւ։
Վատիկանի Պետական ոստիկանութեան պաշտպան սուրբ` Միքայէլ Հրեշտակապետի տօնին եւ ոստիկանութեան
հիմնարկութեան 198 ամեակի առթիւ, ուրբաթ, 26 սեպտեմբերին, Ֆրանչիկսոս Պապը, ոստիկանապետ`
Տիար Տոմէնիքօ Ճանի յղած պատգամին մէջ, յայտնած է իր երախտագիտութիւնն ու համակրանքը
ոստիկաններու հաւատարիմ եւ առատաձեռն ծառայութեան ի սպաս եկեղեցւոյ եւ Քահանայապետին։ Ֆրանչիսկոս
Պապը, պատգամին մէջ քաջալերած է ոստիկանները յարատեւելու իրենց թանկագին ծառայութեան
մէջ՝ համբերութեամբ, խաղաղութեամբ եւ նուիրումի հոգիով։ Սրբազան Հայրը խնդրած է ոստիկաններէն
վստահիլ Տիրոջ հաւատարմութեան որ միշտ նեցուկ կը կանգնի բոլորին եւ երբեք չի դաւաճաներ։
Ան ապա յանձնարարած է վստահիլ Տիրամօր մայրական պաշտպանութեան եւ ոստիկաններու Պաշտպան
սուրբ Միքայէլ հրեշտակապետին։ Նորին Սրբութիւնը պատգամին աւարտին իւրաքանչիւր ոստիկանի
ու անոր ընտանեկան պարագաներուն շնորհած է իր Առաքելական օրհնութիւնը։ Նշենք, թէ
վերոյիշեալ պատգամի ընթերցումը կատարեց Վատիկանի Պետական քարտուղարի փոխանորդ` գերապայծառ
Անճէլօ Պէչչու, Ուրբաթ 26 սեպտեմբերին յետմիջօրէին ժամը 6.30 ին, Վատիկանի թանգարանի
պարտէզներու մէջ այս առթիւ կայացած հիւրասիրութեան ընթացքին։