Գերապայծառ Ալվարօ Տէլ Փորթիլլօն Երանելի կը հռչակուի
Շաբաթ, 27 սեպտեմբերին, Մատրիտի մէջ, Սուրբերու դատի ժողովի կառավարիչ Կարտինալ Անճելօ
Ամաթօյի նախագահութեամբ տեղի կ՝ունենայ Գերապայծառ Ալվարօ Տէլ Փորթիլլօյի երանացման
արարողութիւնը ։ Գերապայծառ Ալվարօ Տէլ Փորթիլլօ ծնած եւ ապրած է Հռոմ ՝ 11 մարտ
1914-ին։ 1935 թուականին, Հայր Ալվարօ Մատրիտի մէջ կը ծանօթանայ ու երկու ամիս ետք
կ՛անադամակցի Սուրբ Խօսէ Մարիա Էսքրիվայի՝ 2 հոկտեմբեր 1928-ին հիմնած Օփուս Տէյի
միաբանութեան։ Հայր Ալվարօ 19 տարեկանին, համալսարանական աշակերտութեան շրջանին իր
մասնակցութիւնը բերած է եկեղեցւոյ ծառայութեան մէջ կրօն ուսուցանելով, Մատրիտի արուարձաններուն
մէջ գտնուող աղքատ մանուկներուն խնամք տանելով ինչպէս նաեւ սննդեղէն բաժնելով աղքատ ընտանիքներուն։
25 յունիս 1944-ին, Մատրիտի մէջ քահանայ կը ձեռնադրուի եւ հոն կը ծառայէ մինչեւ
1946 թուական որմէ ետք կը փոխադրուի Հռոմ ։ Հռոմի մէջ Հայր Ալվարօ կը համագործակցի
Սուրբ Աթոռի հետ, ինչպէս նաեւ կը նշանակուի Վատիկանեան Բ Տիեզերական ժողովի զանազան
յաձնախումբերու խորհրդատու։ 26 յունիս 1975 -ին Օփուս Տէյ Միաբանութեան հիմնադիր՝
Սուրբ Խօսէ Մարիա Էսքրիվայի մահուընէ ետք, նոյն տարուայ 15 սեպտեմբերին միաբանութեան
մեծաւոր կ՝ընտրուի Հայր Ալվարօն ։ 6 յունուար 1991- ին, Սուրբ Յովհաննէս Պօղոս Բ
Քահանայապետը, Հայր Ալվարօյին Եպիսկոպոս կը նշանակէ։ Օփուս Տէյի միաբանութեան մեծաւորութեան
շրջանին, Հայր Ալվարօ, 20 զանազան երկիրներու մէջ հիմնած է բազմաթիւ, ընկերային, դաստիարակչական
ենթակառոյցներ, որոնց շարքին նշենք Քոնկոյի մէջ նշանաւոր Մոնքոլ կոչուած հիւանդանոցը։
23 Մարտ 1994-ին, Սուրբ երկիր ուխտագնացութենէ վերադարձին, Հռոմի մէջ Հայր Ալվարօ
իր մահկանացուն կը կնքէ։ 28 Յունիս 2012-ին, Պենետիկտոս ԺԶ վաստակաւոր Քահանայապետը
հրամանագիրով մը վաւերացուց Հայր Ալվարոյի մարտիրոսական առաքինութիւններու թղթածրարը։. 5
յուլիս 2013-ին, Ֆրանչիսկոս Քահանայապետը այլ հրամանագիրով մը վաւերացուց Հայր Ալվարոյի
բարեխօսութեամբ կատարուած հրաշքը որով Հայր Ալվարօ` փոքրիկ մանուկ մը որ սրտի կատուածի
պատճառով մահացած էր, Հայր Ալվարոյի բարեխօսութեամբ՝ կէս ժամ ետք կեանքի կը վերադառնայ։