Կիրակի, 28 սեպտեմբերը աղօթքի օր նուիրուած ''Ընտանիքի'' մասին յառաջիկայ եպիսկոպոսական
Սիւնհոդոսին դիտաւորութեան։
Յառաջիկայ Կիրակի, 28 սեպտեմբերը, ընտրուած է որպէս աղօթքի օր, նուիրուած` ''Ընտանիքի''
մասին գումարուած եպիսկոպոսական Գ ընդհանուր եւ արտակարգ Սիւնհոդոսի դիտաւորութեան, որ
տեղի պիտի ունենայ Վատիկանի մէջ, 5 – 19 հոկտեմբեր 2014 եւ որուն նիւթն է ''Ընտանիքի
հովուական մարտահրաւէրները աւետարանութեան շրաջագիծէն ներս''։ Այս առթիւ` կղերական
դասն ու հաւատացեալները հրաւիրուած են աղօթելու վերոյիշեալ սիւնհոդոսի դիտաւորութեան։
Ֆրանչիսկոս Պապին` ընտանիքին նուիրուած աղօթքը
Յիսուս, Մարիամ
եւ Յովսէփ Ձեր մէջ կը գտնենք ճշմարիտ սիրոյ վայելչութիւնը Ու վստահութեամբ ձեզի
կը դիմենք:
Նազարէթի Սուրբ Ընտանիք, Մեր ընտանիքները նոյնպէս դարձուր հաղորդութեան
ու աղօթքի վերնատուներ, Աւետարանի հարազատ դպրոցներ եւ ընտանեկան փոքրիկ եկեղեցիներ:
Նազարէթի
Սուրբ Ընտանիք, Թո´ղ ընտանիքները այլեւս երբե´ք բռնութեան եւ բաժանումի փորձառութիւնը
չունենան, եւ անոնք որ վիրաւորուած եւ գայթակղուած են, վերագտնեն մխիթարութիւնն
ու ապաքինումը:
Նազարէթի Սուրբ Ընտանիք Թո´ղ յաջորդ սիւնհոդոսը կարենայ բոլորին
մէջ արթնցնել ընտանիքի` սուրբ եւ անձեռնմխելի գիտակցութիւնը եւ անոր գեղեցկութիւնը
Աստուծոյ ծրագրին մէջ:
Յիսուս, Մարիամ եւ Յովսէփ լսեցէք եւ ընդունեցէք մեր խնդրանքը: