Бэнэдыкт XVI прыме ўдзел у ватыканскім свяце пажылых людзей
Бэнэдыкт XVI прыняў
запрашэнне папы Францішка паўдзельнічаць у мерапрыемстве пад назвай “Благаслаўленне
на доўгае жыццё”, 28 верасня 2014 г. Падчас яго, на галоўнай ватыканскай плошчы, Святы
Айцец сустрэнецца з пажылымі людзьмі – бабулямі і дзядулямі з розных частак свету.
Пантыфік на пенсіі прабудзе на плошчы св. Пятра каля гадзіны – з 9.30 да 10.30 – калі
папа Францішак будзе весці дыялог з удзельнікамі спаткання. Бэнэдыкт XVI, аднак, не
застанецца на св. Імшу, якую Святы Айцец будзе цэлебраваць разам з амаль сотняй пажылых
святароў з розных краін і кантынентаў.
Сустрэча Францішка з пажылымі людзьмі
арганізавана Папскай радай па справах сям’і напярэдадні ІІІ Надзвычайнай сесіі Сінода
Біскупаў. Форум пройдзе 5-19 кастрычніка 2014 г. у Ватыкане на тэму “Душпастырскія
выклікі, звязаныя з сям’ёй, у кантэксце евангелізацыі”.