Святы Айцец прывітаў удзельнікаў сесіі Генеральнай асамблеі ААН
Папа Францішак заклікаў
міжнародную супольнасць да абароны чалавечай годнасці, гаворыцца ў пасланні да ўдзельнікаў
69-й сесіі Генеральнай асамблеі ААН. Яно было прачытана арцыбіскупам Бернардзіта Ауса,
пастаянным назіральнікам Апостальскай Сталіцы пры ААН у Нью-Ёрку 24 верасня 2014 г.
Святы Айцец выказаў пажаданне, каб рашэнні, прынятыя на форуме, спрыялі міру паміж
народамі і дапамагалі перамозе над беднасцю ў духу братэрства. Пантыфік запэўніў удзельнікаў
сесіі Генеральнай асамблеі ў сваёй духоўнай блізкасці. Ён заклікаў выкарыстаць форум
для ўмацавання “узаемапаразумення і супрацоўніцтва”, “дабра сусветнай супольнасці
і служэння трываламу міру і росквіту ўсіх народаў”, гаворыцца ў пасланні, падпісаным
кардыналам Дзяржсакратаром Пьетра Паралінам.