Бліжэйшы супрацоўнік Папы прыняў удзел у кліматычным саміце ААН
Кардынал Дзяржсактар
Пьетра Паралін прыняў удзел у першым у гісторыі Саміце па праблемах клімату, які прайшоў
у нью-ёркскай сядзібе ААН 23 верасня 2014 г. Гаворка ідзе пра буйнейшы форум, прысвечаны
праблеме глабальнага пацяплення. Кіраўнікі дзяржаў і ўрадаў, бізнесмены, фінансісты,
навукоўцы, грамадскія актывісты, абмякроўвалі асновы будучага пагаднення ў сферы абароны
клімату планеты. Бліжэйшы супрацоўнік Святога Айца у сваім выступленні нагадаў пра
маральную адказнасць за захаванне навакольнага асяроддзя і будучыні наступных пакаленняў.
Цытуючы папу Францішка, кардынал Паралін падкрэсліў важнасць абароны прыроды, якая
часта падвяргаецца прагнаму выкарыстанню. Таму, на яго думку, існуе патрэба ў сапраўднай
культурнай трансфармацыі, ажыццяўленне якой магчыма дзякуючы выхаваўчай і адукацыйнай
дзейнасці.
Саміт ААН быў скліканы, каб стымуляваць дасягненне мэтаў у сферы
абароны клімату, пастаўленых міжнароднай супольнасцю да 2015 г. На ім выступілі Генеральны
сактарар ААН Пан Гі Мун і Прэзідэнт ЗША Барак Абама. Папярэднічаў Саміту “Кліматычны
марш”, які прайшоў у Нью-Ёрку 21 верасня 2014 г. Ён сабраў каля 300 тыс. чалавек.