“Shtёpia e shqiptarit ёshtё e Zotit dhe e mikut. Sot, kjo shtёpi ёshtё dy herё e juaja”:
mikpritja e Presidentit Nishani pёr Papёn Françesku
Njerёz, qё fjetёn nё sheshin “Nёnё Tereza”; tё tjerё qё bёnё kilometra
nё kёmbё nga fshatrat veriore deri nё qendrёn ku i priste autobuzi, i cili i solli
nё Tiranё pёr tё pritur Papёn qё nё mёngjes herёt, nё rrugёn e aeroportit tё Rinasit,
por edhe nё rrugёt e Tiranёs. 250 mijё vetё, tё çdo feje e kategorie, me njё entuziazёm,
qё u kishte hyrё nёn lёkurё, mbushёn sheshin – tё cilin policia, pёr arsye sigurie,
nuk lejoi tё mbulohej plotёsisht – por edhe bulevardin “Dёshmorёt e Kombit”, deri
nё sheshin “Skёnderbej”. Gazetarёt çuditeshin me sjelljen e popullit, qё as shtyhej
e as pёrplasej, duke u paraqitur para botёs me njё dinjitet pёr ta pasur zili.
Takimi i parё, ai me presidentin e Republikёs, Bujar Nishani, bektashi, i cili e pёrmblodhi
gёzimin e njё populli tё tёrё pёr vizitёn e Papёs me fjalёt: “Shtёpia e shqiptarit
ёshtё e Zotit dhe e mikut. Sot, kjo shtёpi ёshtё dy herё e juaja”. Nё fjalёn e
tij, edhe falenderimi pёr Radio Vatikanin, nё valёt e tё cilit, populli shqiptar gjente
ngushёllim shpirtёror gjatё komunizmit, por edhe mё vonё. Bashkёjetesa
fetare; martirizimi i katolikёve dhe i klerit gjatё regjimit ateist komunist; vёnia
nё dukje e fjalёve tё fundit tё meshtarёve para plotonit tё ekzekutimit “Rroftё Shqipёria!
Rroftё Papa!”; historia e krishterimit nё Shqipёri, nё gjurmёt e Shёn Palit Apostull;
“Formula e pagёzimit”, dokumenti i parё i shqipes sё shkruar, parё si element mbijetese
pёr popullin shqiptar; puna e mёvonshme e klerikёve si Buzuku, Budi, Bogdani deri
tek atё Gjergj Fishta; modeli i flijimit, i dashurisё dhe i humanizmit tё krishterё,
parё tek Nёnё Tereza; njohja e kontributit qё Shqipёria i ka dhёnё krishterimit botёror,
duke filluar nga Skёnderbeu- Atlet i Krishtit, por edhe vёmendja qё Papёt i kanё kushtuar
Shqipёrisё, duke filluar nga Papa Klementi XI me Kuvendin e Arbёrit – djepi i rilindjes
shqiptare, siç e quajti zoti Nishani – e deri tek kontributi i Benediktit XV pёr pavarёsinё
e Shqipёrisё e tek fjala e shёn Gjon Palit II nё Pulja pёr persekutimin e Kishёs e
vizita e tij e mёvonshme nё Shqipёri, pёr tё pёrfunduar me vlerёsimin e tij personal
pёr Papёn Françesku: kёto ishin pikat kryesore tё fjalimit tё Presidentit tё Republikёs,
vlerёsuar mjaft nga tё pranishmit.
E Papa, qё gjatё udhёs pёr Tiranё, kujtoi
takimin me Nёnё Terezёn nё sinodin e ipeshkvijve tё vitit ’94, qё e vlerёsoi kёtё
bijё tё Shqipёrisё, por tha edhe se “do tё kishte pak frikё sikur t’i qёllonte si
eprore”, nё Librin e Nderit tё Presidencёs, shkroi sintezёn e mendimit tё tij pёr
shqiptarёt: “Popullit fisnik shqiptar, me respektin dhe admirimin tim pёr dёshminё
dhe vёllazёrimin [qё tregon] nё çuarjen pёrpara tё vendit”.