Пантыфік сустрэўся з прадстаўнікамі еўрапейскіх левых сіл
Святы Айцец сустрэўся
19 верасня 2014 г. з двума значнымі палітыкамі, прадстаўнікамі еўрапейскіх левых сіл:
Алексісам Цыпрасам, лідэрам грэцкай Кааліцыі радыкальных левых, і Вальтэрам Баерам,
які прадстаўляе Кампартыю Аўстрыі. Як заявіў кіраўнік Залы Друку Апостальскай Сталіцы,
сустрэча насіла характар “абсалютна прыватны” і “не мела ніякай палітычнай вагі”.
Кс. Фэдэрыка Ламбардзі прызнаў, аднак, што размова ішла пра “чалавечыя і сацыяльныя
тэмы”. Ідэя сустрэчы нарадзілася з кантактаў, якія абодва палітыкі ўсталявалі з рухам
Факаляраў.
Як сказаў Алексіс Цыпрас, размова з папам Францішкам ішла пра крызіс,
які склаўся ў Еўропе, аб паглыбленні беднасці і злоўжываннях, звязаных з нелегальнай
міграцыяй.