Ալպանիայի առաքելական ճամբորդութեան նախօրեակին Ֆրանչիսկոս Պապը այցելեց Հռոմի Սանթա
Մարիա Մաճճորէ Պազիլիքա։
Ալպանիա կատարելիք առաքելական ճամբորդութեան նախօրեակին, Հինգշաբթի, 18 սեպտեմբերի երեկոյեան,
Ֆրանչիսկոս Սրբազան Քահանայապետը, առանձնական այցելութիւն կատարեց Հռոմի, Տիրամօր Նուիրուած`
Սանթա Մարիա Մաճճորէ Պազիլիքայ, ուր 30 վայրկեան տեւողութեամբ աղօթքի մէջ ամփոփուեցաւ
“Salus Populi Romani”, – Հռոմի ժողովուրդի փրկութիւն – Տիրամօր սրբապատկերին առջեւ,
այնտեղ զետեղելով նաեւ ծաղկեփունջ մը ու հայցելով Աստուածամօր Հովանին։ Յայտնենք
թէ Ֆրանչիսկոս Սրբազան Քահանայապետին միջազգային առաքելական ճամբորդութիւններէ առաջ`
Սանթա Մարիա Մաճճորէ պազիլիքա այցելութիւնը սովորութիւն դարձած է։