Ընկերաբաններու մշակած զանազան տեսութիւններէն մին է նաեւ «Ոգեպաշտութիւնը» (Animisme) Այս
տեսութիւնը կը կրէ Թէյլըրի անունը: Ըստ անոր բանաձեւած տեսու-թեան, կրօնը կը ծնի ոգիի
գոյութեան գիտակցումէն եւ յառաջ կու գայ հետեւեալ երկու հարցումներէն, զորս կատարած է
Նախամարդը. ա) Ողջը ու մեռածը իրարմէ տարբեր իրականութիւններ են: Ուսկի՞ց կը ծագի
այս տարբերութիւնը: բ) Ի՞նչ է երազը: Երազի մէջ մեր տեսածն ու ապրածը ո՞ր աշխարհին
կը պատկանին, քանի որ մեր աչքերը փակ են ու մենք քունի մէջ: Ոգեպաշտութիւնը այս երեւոյթներէն
կ'եզրակացնէ անտեսանելի ոչ- ֆիկի-քական իրականութեան մը գոյութիւինը, որ ոգիներու գոյութիւնն
է: Ըստ ոգեպաշտութեան, մախամարդը կենդանի շունչ վերագրեց նաեւ շրջապատող անշունչ էակներուն,
ինչպէս` աստղերուն, ջուրերուն, հովե-րուն, ծառերուն եւ անոնց մարդկային ապրումներ վերագրելով`
զանոնք կենդանացուց ու պաշտեց: Նախամարդը կարգ մը անասուններուն, ինցպէս օձին, կոկորդիլոսին,
կապիկին, առիւծին մէջ` մարդէն գերազանց խելք ու զօրութիւն տեսաւ եւ զայն «ոգի» կոչեց:
Ոգեպաշտութեան այս դրութենէն յառաջ կու գայ «Թօթեմիզմ»ը (Totem): Ըստ այս տեսութեան,
գոյութիւն ունին կարգ մը բոյսեր ու անա-սուններ, որոնց մէջ բարի ոգի կը բնակի ու այս
պատճառով` անոնք ցեղի մը պաշտամունքի առարկան կը դառնան: «Թօթեմ»ը խորհրդանիշն է ոգիի
մը եւ զինք պաշտող տոհմին: Թօթեմիզմը կը հաւատայ թէ կարգ մը ցեղախում-բեր սերած են այս
կամ այն անասունէն կամ բոյսէն եւ որոնց բարի ոգին կը բնակի անոնց մէջ: Ուստի կը զգուշանան
այդ անասուններուն կամ բոյսերուն վնաս հասցնելէ: Ոգեպաշտութեան հետեւանքն է նաեւ «Թապու»ն
(Tabou): Այս տեսու-թեան համաձայն, կարգ մը իրեր ու անձեր անհպելի են: Կարգ մը ցեղա-խումբերու
համար, «թապու» նկատուած են չաստուածներուն անունները, որոնք գաղտնի մնալու էին, ինչպէս
Եահուէն` հրեաներուն մօտ: