Францішак заклікаў біскупаў з Кот-д’Івуара спрыяць нацыянальнай згодзе
Папа Францішак заклікаў
біскупаў з Кот-д’Івуара спрыяць нацыянальнаму прымірэнню, дыялогу і супрацоўніцтву.
Святы Айцец сустрэўся з іерархамі падчас аўдыенцыі ў рамках візіту “ad limina Apostolorum”
18 верасня 2014 г. і ўручыў ім пасланне з указаннямі адносна душпастырскай дзейнасці.
На думку Пантыфіка, пасля перыяду нестабільнасці і братазабойчых канфліктаў у Кот-д’Івуары,
якія працягваліся з 1999 г. па 2010 г., заданнем біскупаў з’яўляецца дапамога ў аднаўленні
братэрскай сувязі паміж грамадзянамі. Папа перакананы, што іерархі не павінны асабіста
ўдзельнічаць у палітычных дыспутах, але “падтрымліваць канструктыўныя адносіны з уладамі
і іншымі кампанентамі грамадскага жыцця, каб пашыраць сапраўдны евангельскі дух дыялогу
і супрацоўніцтва”. Роля Касцёла у дадзенай сферы, на думку Святога Айца, можа стаць
фундаментальнай.
“У гэтым самым духу заклікаю вас працягваць весці дыялог
з мусульманамі, каб спыніць гвалтоўную плынь і любыя памылкі рэлігійнай інтэрпрытацыі
канфлікту, які вы перажылі”, - сказаў Францішак. Хрысціянін павінен быць носьбітам
суцяшэння і духу ўзаемнага даверу, падкрэсліў ён.
Акрамя абавязку клопату пра
святароў, сем’і і моладзь, Францішак нагадаў біскупам пра важнасць “паглыблення дыялогу
з традыцыйнай культурнай і рэлігійнай рэчаіснасцю, каб дасягнуць сапраўдную інкультурацыю
веры, без ваганнняў адкідаючы тое, што ёй супрацьлеглае, даводзячы да поўні, тое,
што добрае”.
На аўдыенцыі ў Пантыфіка прысутнічалі 15 кот-д’івуарскіх біскупаў.
Хрысціянства ў гэтай краіне з’яўляецца самай распаўсюджнай рэлігіяй. Пераважная большасць
мясцовых вернікаў – католікі. Каля 38% насельніцтва – мусульмане, каля 10% – вызнаўцы
традыцыйных анімістычных вераванняў.