2014-09-17 09:53:12

Հազարաւոր Եզիտի փախստականներ կը սպասեն Հայաստանի արձագանգին


ԵՐԵՒԱՆ, «Երկիր».- Հազարաւոր եզիտի փախստականներ ցանկութիւն յայտնած են ապաստան գտնել Հայաստանի մէջ:
«Սինջար եզդիներու ազգային միաւորում» Հասարակական կազմակերպութեան նախագահ Պորիս Մուրազի «Երկիր»ի թղթակիցին յայտնած է, որ իրենք վաղուց յայտարարած են, որ պատրաստ են փախստականներու հարցերով աշխատանքներ իրականացնել, բայց չեն կրնար որեւէ քայլ առնել, այնքան ատեն, որ պետութիւնը պատրաստակամութիւն չէ յայտնած ընդունելու փախստականները:
«Այն մասին, որ եզդիները պատրաստակամ են գալ Հայաստան, մէկ անգամ չէ, որ ասուել է: Բոլորն էլ ուզում են գալ Հայաստան, բայց հասկանում ենք նաեւ, որ Հայաստանն անսահմանափակ ռեսուրսներ (հնարաւորութիւններ-Խմբ.) չունի: Իրենք գիտեն, թէ Հայաստանում պայմաններն ինչպիսին են՝ մարդկային վերաբերմունքի առումով, եւ բոլոր՝ 400 000 փախստականներն էլ կ՛ուզենան գալ այստեղ», յայտնած է Մուրազին, աւելցնելով, որ այս հարցի հետ կապուած, քանիցս դիմած են Հայաստանի արտաքին գործոց նախարարին, բայց դեռ պատասխան չեն ստացած:
Մուրազին տեղեկացուցած է նաեւ, որ վերջերս, երբ գացած էին թուրք-իրաքեան սահման, այնտեղէն դիմած էին Հայաստանի արտաքին գործոց նախարարութիւն՝ խնդրելով 150 եզդի փախստական Հայաստան տեղափոխել, սակայն իրենց պատասխանած էին, որ անհրաժեշտ է գրաւոր դիմել:







All the contents on this site are copyrighted ©.