У Ватыкане агучылі падрабязнасці правядзення Сусветнай сустрэчы сем’яў
Буйныя донары і бізнес-супольнасць
дапамогуць у правядзенні Сусветнай сустрэчы сем’яў у Філадэльфіі, якая пройдзе 22-27
верасня 2015 г. Акрамя таго, падтрымку ў арганізацыі аказваюць дзяржаўныя ўлады ЗША
на ўсіх узроўнях і, канешне, Апостальская Сталіца, паведаміў 16 верасня 2014 г. на
прэс-канферэнцыі ў Ватыкане арцыбіскуп Філадэльфііі Чарльз Чапут. Ён паінфармаваў
аб выданні спецыяльнага катэхізісу, які дапаможа дыяцэзіяльным лідэрам, катэхетам,
іншым зацікаўленым асобам у падрыхтоўцы вернікаў па ўсім свеце да сустрэчы ў наступным
годзе. Тэкст быў распрацаваны Крыстаферам Робертсам з Філадэльфіі. Яму дапамагала
група міжнародных экспертаў. Катэхізіс уключае “10 простых крокаў”: пачынаючы з мэты
стварэння чалавека, праз прыроду сексуальнасці, сужэнства, важнасці нараджэння дзяцей,
месца святарства і кансэкраванага жыцця ў экалогіі хрысціянскай супольнасці, да ролі
Касцёла ў жыцці сучасных сем’яў.
Іерарх прадставіў таксама абраз, які стане
сімвалам форума ў Філадэльфіі. На ім, побач са Святой Сям’ёй, бацькі Марыі – св. Яўхім
і св. Ганна, што нагадвае пра неабходнасць сувязі пакаленняў.
Арцыбіскуп Чапут
выказаў надзею, што папа Францішак наведае Сусветную сустрэчу сем’яў. Яе апекунамі
будуць св. Ян Павел ІІ, які 20 гадоў таму заснаваў форум, і св. Джана Берэта Мола,
прыклад хрысціянскай жонкі і маці. На думку амерыканскага іерарха, спатканне дасць
магчымасць не толькі гаварыць аб праблемах сям’і, але і паказаць яе прыгажосць.