Сікстынская капэла ўпершыню з канцэртамі ў Макао, Ганконгу і Тайбэі
Хор Папскай Сікстынскай
капэлы выступіць упершыню ў Макао, Ганконгу і Тайбэі. Канцэрты сталі магчымымі дзякуючы
Ганконгскаму інстытуту садзейнічання развіццю кітайскай культуры, у супрацоўніцтве
з дыяцэзіяй Макао і Тайбэйскім філарманічным фондам. Праект накіраваны на садзейнічанне
культурнаму абмену праз мастацтва і музыку, стварэнне новых каналаў сувязі і зносін,
пазнанне багатых музычных традыцый Усходу і Захаду, паведамілі арганізатары.
Канцэрты,
якія пройдуць з 19 па 23 верасня 2014 г., уключаць у сябе ўрыўкі з твораў вядомых
кампазітараў: Джавані П’ерлуіджы да Палестрына, Арланда дзі Ласо, Грэгорыа Алегры
і Ларэнца Перозі, якія традыцыйна выконваюцца падчас папскіх літургічных цэлебрацый.
Акрамя
таго, 21 верасня ў катэдральным касцёле Ганконгу Сіксцінская капэла, з дазволу кардынала
Дзяржсакратара Пьетра Параліна, упрыгожыць сваім спевам нядзельную Эўхарыстыю, якую
ўзначаліць кардынал Джон Тонг Хон.