“Pagëzimin e fëmijëve në komunizëm e kemi pasur detyrë”: dëshmia me “kokë në torbë”
e motër Maria Kaletës dhe motër Adelajde Pashkes
Motër Maria Kaleta e motër Adelajde Pashkja janë të fundmet stigmatine, nga brezi
i vjetër i murgeshave shqiptare, që mbijetuan pas viteve të diktaturës komuniste.
Të dyja mëse 85-vjeçare, dëshmojnë akoma në Pistull, në dioqezën e Sapës, sa gëzim
sjell jeta e kushtuar Zotit. Me thjeshtësi çarmatosëse ato tregojnë për frikën, që
i ka ndjekur hap pas hapi gjatë komunizmit, kur pavarësisht nga kontrollet e spiunimet,
mbarështonin “pagëzimin, që e kishim për detyrë”, siç na thotë motër Adelajdja, duke
falenderuar Hyjin, që nuk i ndodhi gjë e keqe. Sikur kjo të mos ia vinte jetën në
rrezik orë e për minut… Më 21 shtator, kur Papa Françesku do të jetë në Tiranë në
shtegtimin e tij apostolik në Shqipëri, motër Marie Kaleta do të dëshmojë para Atit
të Shenjtë e gjithë klerit të mbledhur në katedralen e Shën Palit, ato vite të tmerrshme
për katolikët e për gjithë popullin shqiptar. Bashkëpunëtorja jonë nga dioqeza e Sapës,
Violeta Marashi, i drejtoi motrës mikrofonin e Radio Vatikanit për t’i njohur të gjithë
dëgjuesit me dëshminë e saj. Ta dëgjojmë…
Pranë motër
Kaletës, ndodhej stigmatinja tjetër, motër Adelajde Pashkja. Edhe ajo i qëndroi besnike
Krishtit, pavarësisht se akoma nuk i kishte marrë kushtet e përjetshme të jetës rregulltare,
kur komunizmi ia ndërpreu brutalisht. Nuk mund të mos i kërkonim edhe asaj të na thotë
dy fjalë për veten…