Шры-Ланка: прымірэнне – галоўная тэма візіту Пантыфіка
“Заставайцеся ў Маёй
любові” – гэтыя словы з Евангелля паводле св. Яна будуць дэвізам падарожжа Святога
Айца ў Шры-Ланку, якое адбудзецца 13-15 студзеня 2015 г., распавёў агенцтву “Fides”
кардынал Малькольм Ранжыт, арцыбіскуп Каломба. На думку пурпурата, папа Францішак
кожным сваім словам і жэстам заклікае заставацца ў любові Бога і несці яе бліжнім.
“Мы вельмі рады будучай прысутнасці Святога Айца на нашай зямлі. Гэта вялікі гонар
і падтрымка для Касцёла ў Шры-Ланцы. Падрыхтоўка да візіту працягваецца без перашкодаў,
як на духоўным узроўні, так і на арганізацыйным. Мы чакаем яго з радасцю і сустрэнем
як найдаражэйшага госця”, - сказаў кардынал Ранжыт.
Паводле пурпурата, адной
з цэнтральных тэмаў падарожжа папы Францішка будзе прымірэнне, ведзь на працягу доўгага
перыяду, з 1983 г. па 2009 г. у краіне трывала грамадзянская вайна, якая ўнесла каля
80 тыс. жыццяў. “У Шры-Ланцы мы перажываем перыяд, калі Касцёл пакліканы быць носьбітам
паслання супакою, любові і згоды”, - сказаў ён. Запланаваны візіт Святога Айца ў марыйны
санктуарый у Мадху, які знаходзіцца на тэрыторыі населенай аднымі з удзельнікаў братазабойчага
канфлікту – таміламі, – жадае падкрэсліць менавіта неабходнасць прымірэння. “Мы прайшлі
і перажылі сумную эпоху, пазначаную вайной. Зараз спрабуем залячыць раны і аднавіць
дух братэрства і мірнага суіснавання. Гэты шлях нялёгкі і поўны перашкодаў, але прысутнасць
Папы будзе моцным стымулам, каб працягваць ісці шляхам прымірэння”, - сказаў кардынал
Ранжыт.
Пурпурат выказаў спадзяванне, што падчас візіту Святога Айца на востраў
адбудзецца кананізацыя благаслаўлёнага місіянера Джозэфа Ваза – “стаўпа Касцёла ў
Шры-Ланцы”, дзякуючы дбайнай працы якога мясцовыя каталіцкія супольнасці перажылі
цяжкі перыяд пераследу.