Selia e Shenjtë punon për lidhjen e marrëdhënive diplomatike me Vietnamin
U mbajt, në Hanoi, më 10 e 11 shtator 2014, takimi i pestë i grupit të përbashkët
të punës, përbërë nga përfaqësues të Selisë së Shenjtë e të Vietnamit, siç qe vendour
gjatë bisedimit të katërt, në Vatikan, në qershor 2013. Takimi u bashkëdrejtua nga
zëvendës-ministri i Punëve të Jashtme, Bui Thanh Son, krytetar i delegacionit vitnamez
dhe nga zëvendës-sekretari is Selisë së Shenjtë për Marrëdhëniet me Shetet, imzot
Antoine Camilleri, kryetar i delegacionit të Selisë Apostolike. Delegacioni i Selisë
së Shenjtë, siç lexohet në komunikatën e përbashkët, vlerësoi mbështetjen e Kishës
katolike në Vietnam për zhvillimin e misionit të saj në të gjitha nivelet, nga ana
e autoriteteve vendase. Vuri theksin mbi zhvillimet e fundit të politikave fetare
në Vietnam, pasqyruar edhe në Kushtetutën e vitit 2013. Kujtoi se Shteti vietnamez
ia ka lehtësuar vizitat e punës në vend, përfaqësuesit të Selisë së Shenjtë jo rezident,
imzot Leopoldo Girelli. Delegacioni i Selisë së Shenjtë konfirmoi se i jep rëndësi
të dorës së parë marrëdhënieve me Vietnamin në mënyrë të veçanë, e me Azinë, në përgjithësi,
siç nënvizohet edhe në shtegtimet e kohëve të fundit të Papës në Kontinent. Selia
e Shenjtë rikonfirmoi angazhimin për lidhjen e marrëdhënieve diplomatike me Vietnamin,
duke pohuar se, së bashku me Kishën katolike në vend, dëshiron të kontribuojë aktivisht
për zhvillimin në fushat tradicionale të saj, si ajo e shëndetësisë, e arsimit, e
bamirësisë dhe e veprimtarive humanitare. Pala vietnameze pohoi politikën koherente
të shtetit e të partisë për ta respektuar lirinë fetare dhe besojmën e të gjithëve
si dhe për ta mbështetur Kishën katolike në Vietnam që të mund të marrë pjesë në zhvillimin
shoqëror-ekonomik kombëtar. Të dyja palët vunë në dukje përsëri parimin e "të jetuarit
të Ungjillit në gjirin e kombit”, dhe parimin sipas të cilit “mund të jesh katolik
i mirë, e edhe qytetar i mirë”. Takim i frytshëm ky, i ndjekur me shumë interes
nga Papa Françesku.