За некалькі тыдняў
да пачатку ІІІ надзвычайнай сесіі Сінода Біскупаў прысвечанай праблемам сям’і папа
Францішак удзеліць сакрамэнт сужэнства дваццаці парам. Цырымонія адбудзецца 14 верасня
2014 г. у базыліцы св. Пятра. Самы малады з будучых сужонкаў мае 25 гадоў, а самы
старэйшы – 65. Усе ўдзельнікі цырымоніі – вернікі Рымскай дыяцэзіі. Некаторыя з іх
прыйшлі да веры нядаўна і на працягу доўгага часу жылі без сакрамэнту сужэнства. Яны
прыбудуць у базыліку св. Пятра ў суправаджэнні сваіх дзяцей. Пасля заканчэння абраду,
у маладых сужонкаў будзе магчымасць здзейсніць прагулку па Ватыканскіх садах для традыцыйнай
“фотасесіі”.
Папа Францішак будзе ўдзяляць сакрамэнт сужэнства ў якасці Пантыфіка
ўпершыню. Да гэтага Біскуп Рыма ўдзяляў “сваім” вернікам сакрамэнты хросту, бежмавання,
споведзі, Эўхарыстыі і пасвячэння.
На 28 верасня 2014 г. у Ватыкане запланава
іншай буйная сустрэча: папа Францішак спаткаецца з вялікай колькасцю пажылых людзей,
многія з якіх прыбудуць у суправаджэнні сваіх унукаў.