Святы Айцец духоўна блізка з бацькамі журналіста, забітага тэрарыстамі ў Іраку
Святы Айцец запэўніў
у духоўнай блізкасці і малітоўнай падтрымцы бацькоў і сваякоў амерыканскага журналіста
Стывена Джоэля Сотлафа, варварскі забітага тэрырыстамі так званай “Ісламскай дзяржавы
Іраку і Леванты” – джыхадзістскай групоўкі, якая дзейнічае на Блізкім Усходзе. У тэлеграме
за подпісам кардынала Дзяржсакратара Пьетра Параліна, адзначаецца, што Пантыфік глыбока
засмучаны навіной аб трагічнай смерці рэпарцёра. Папа давярае Пану душу загінуўшага
і моліцца за яго і ягоных блізкіх. Адначасова, Святы Айцец, заклікае “усіх людзей
адмовіцца ад насілля, агрэсіі і недахопу спачування і просіць аб малітве і працы на
карысць прабачэння, прымірэння і супакою”, - гаворыцца ў пасланні.
Стывен Джоэль
Сотлаф, знаходзіўся ў закладніках у тэрарыстаў з лета 2013 г., калі быў схоплены на
мяжы з Сірыяй. Ён стаў другім амерыканскім журналістам загінуўшым ад рук джыхадзістаў
групоўкі “Ісламская дзяржава”. Яшчэ 19 жніўня 2014 г. яны выклалі ў інтэрнэт відэазапіс
забойства іншага рэпарцёра – выпускніка аднаго з езуіцкіх універсітэтаў ЗША Джэймса
Фоўлі.