Пантыфік: кроў загінуўшых законніц павінна стаць семем братэрства
Кроў забітых законніц
павінна стаць семем братэрства, – такую перакананасць папа Францішак выказаў у пасланні
скіраваным з прычыны варварскага забойства ў афрыканскім Бурундзі трох італьянскіх
місіянерак: с. Лючыі Пулічы, с. Вольгі Раскеці і с. Бернардэты Боджан. У тэлеграме
на імя Генеральнай настаяцельніцы Місійнага таварыства Марыі, да якога належалі законніцы,
адзначаецца, што з прычыны цяжкой страты дбайных місіянерак Пантыфік выказвае сваю
блізкасць усёй кангрэгацыі і жадае, “каб пралітая кроў стала семем надзеі для будаўніцтва
сапраўднага братэрства паміж народамі”. Святы Айцец паабяцаў маліцца ў інтэнцыі гэтых
“шчодрых сведак Евангелля”.
Трагедыя адбылася ў кляштары горада Каненге, на
ўсходзе Бурундзі. 75-гадовая с. Лючыя Пулічы і 83-гадовая с. Вольга Раскеці, загінулі
ад рук нявядомага злачынцы ў нядзелю 7 верасня 2014 г. Трэццяя законніца, 79-гадовая
с. Бернардэта Боджан, у тым жа месцы, раніцай наступнага дня. Мясцовая паліцыя пакуль
не называе дакладных матываў злачынства. Па адной з версій, місіянеркі маглі стаць
ахвярамі псіхічна хворай асобы.
Загінуўшыя законніцы, карысталіся павагай
і любоўю мясцовай каталіцкай супольнасці, а таксама людзей, якім аказвалі дапамогу.
Адна з іх, с. Вольга Раскецці – працавала ў Бурундзі на працягу 50-ці гадоў.