Пантыфік сустрэўся з некаторымі палітычнымі дзеячамі
5 верасня 2014 г.
папа Францішак правёў шэраг сустрэч з высокімі палітычнымі дзеячамі. Раніцай Святы
Айцец прыняў на аўдыенцыі Прэзідэнта Рэспублікі Панама Хуана Карласа Варэлу, з якім
абмеркаваў супрацоўніцтва паміж Каталіцкім Касцёлам і дзяржавай у вырашэнні некаторых
сацыяльных праблем, асабліва тых, якія тычацца моладзі, бедных і безабаронных, а таксама
абстаноўку ў рэгіёне і ў свеце. Затым папа Францішак сустрэўся з прэм’ер-міністрам
Княства Андора Антоні Марці, з якім паразмаўляў пра традыцыйна добрыя дыпламатычныя
адносіны паміж бакамі, умацаваныя падпісаным у 2008 г. канкардатам.