Апостальская Сталіца і В’етнам на парозе новых перамоваў
Пятая працоўная сустрэча
паміж прадстаўнікамі Святога Пасаду і В’етнама адбудзецца 10-11 верасня 2014 г. у
Ханоі, паведаміў кс. Фэдэрыка Ламбардзі. “Спатканне паслужыць паглыбленню і развіццю
двухбаковых адносін паміж Апостальскай Сталіцай і В’етнамам”, - гаворыцца ў кароткім
паведамленні кіраўніка Залы Друку Святога Пасаду. Апошняя, чацвёртая па ліку, працоўная
сустрэча дыпламатычных прадстаўнікоў Апостальскай Сталіцы і гэтай азіяцкай краіны
праходзіла 13-14 чэрвеня 2014 г. у Ватыкане. Бакі дамовіліся працягваць супрацоўніцтва
і сумесныя намаганні ў накірунку паглыблення адносін. В’етнамская дэлегацыя звярнула
ўвагу на паляпшэнне сітуацыі з рэлігійнай свабодай у краіне, а таксама выразіла пажаданне,
каб рэлігійныя супольнасці, і ў прыватнасці Каталіцкі Касцёл, спрыялі “нацыянальнаму
будаўніцтву і працэсу сацыяльна-эканамічнага развіцця” у В’етнаме.
Прадстаўнікі
Апостальскай Сталіцы, у сваю чаргу, падзякавалі тады за магчымасць правядзення асамблеі
Федэрацыі Біскупскіх Канферэнцый Азіі ў 2012 г. на тэрыторыі краіны і душпастырскіх
візітаў папскага прадстаўніка. З боку Святога Пасаду было ваказана жаданне пераносу
рэзідэнцыі апошняга непасрэдна ў В’етнам. На сённяшні дзень арцыбіскуп Леапольда Джырэллі
мае рэзідэнцыю ў Малайзіі.