ԵՐԵՒԱՆ, «Թերթ».– Հայաստանի նախագահ Սերժ Սարգսեան 3 Սեպտեմբերին աշխատանքային այցելութեամբ
մեկնած է Բրիտանիոյ եւ Հիւսիսային Իրլանտայի Միացեալ Թագաւորութիւն։ Ան պիտի մասնակցի
Նիւփորթի մէջ 4 Սեպտեմբերին կայանալիք ՆԱԹՕի անդամ ու Աֆղանիստանի մէջ միջազգային անվտանգութեան
աջակցութեան ուժերու առաքելութեան մասնակից գործընկեր երկիրներու պետութիւններու եւ կառավարութիւններու
ղեկավարներու հանդիպումին, որ տեղի պիտի ունենայ Հիւսիսատլանտեան դաշինքի գագաթնաժողովի
ծիրին մէջ: Սերժ Սարգսեան խօսք պիտի առնէ։ Սեպտեմբեր 4ի երեկոյեան հանդիպման մասնակիցներուն
համար պիտի տրուի ընդունելութիւն՝ Ուէլզի արքայազն Չարլզի անունով եւ ոչ պաշտօնական ընթրիք՝
ի պատիւ մասնակից երկիրներու եւ միջազգային կազմակերպութիւններու ղեկավարներու: