Дыпламатыя Святога Пасаду прысутнічае ў вырашэнні ўкраінскага крызісу
Дыпламатыя Апостальскай
Сталіцы прысутнічае ў вырашэнні канфлікта ва Украіне, адзначыў кардынал Дзяржсакратар
Пьетра Паралін, размаўляючы з журналістамі 3 верасня 2014. Пурпурат падкрэсліў, што
Святы Пасад “разважае над тым, як дапамагчы мірнаму вырашэнню сітуацыі”. Каментуючы
складаную міжнародную абстаноўку, пасля сустрэчы з касцёльнымі дарадчыкамі асацыяцыі
італьянскіх фермераў “Coldiretti”, бліжэйшы супрацоўнік Папы адзначыў, што пакласці
канец трываючым канфліктам магчыма дзякуючы палітычнай волі ўсіх іх удзельнікаў і
з дапамогай міжнароднай супольнасці. “Гэта адзіны шлях для таго, каб гэтыя канфлікты
не працягваліся і не забыліся, як, напрыклад, гэта здарылася з канфліктам у Сірыі”,
- сказаў ён.
У Іраку, на думку кіраўніка ватыканскай дыпламатыі, неабходны
“палітычныя рашэнні, а не гвалтоўныя вайсковыя”. Кардынал Паралін расказаў, што трагедыя
іракскіх хрысціян знаходзіцца глыбока ў сэрцы Папы і Апостальскай Сталіцы. “Гэта драматычная
гуманітарная сітуацыя”, - сказаў ён і дадаў, што прыярытэтам у ёй з’яўляецца аказанне
неабходнай дапамогі мясцовым хрысціянам і стварэнне ўмоваў для іх вяртання ў родныя
пасяленні і дамы.