Пантыфік заступіўся за сем’і рабочых, рызыкуючых згубіць працу
Святы Айцец заступіўся
за шматлікія сем’і рабочых сталеліцейнай кампаніі “Thyssenkrupp” з італьянскага Тэрні,
якім пагражае беспрацоўе ў сувязі з запланаваным скарачэннем працоўных месцаў. “Яшчэ
раз заклікаю, каб дамінавала не логіка прыбытку, але салідарнасці і справядлівасці”,
- сказаў Пантыфік падчас агульнай аўдыенцыі на плошчы св. Пятра 3 верасня 2014 г.
Паводле Папы, “у цэнтры любога пытання, у тым ліку звязанага з працай, павінна заўсёды
знаходзіцца асоба і яе годнасць”. “З працай не жартуюць! А хто па прычыне імкнення
за грашыма, паляпшэння справаў, жадання зарабіць больш, пазбаўляе працы – павінен
ведаць, што пазбаўляе людзей годнасці”, - сказаў Святы Айцец.
З дэлегацыяй
рабочых сталеліцейных прадпрыемстваў італьянскага горада Тэрні папа Францішак сустракаўся
ў сакавіку 2014 г. Тады, Святы Айцец сказаў, што “праца – гэта добро ўсіх і павінна
быць даступна ўсім”, а беспрацоўе – наступства эканамічнай сістэмы, якая паставіла
ў цэнтр ідала, імя якому грошы. На думку Пантыфіка змагацца з беспрацоўем трэба салідарнасцю,
часам нават коштам самаабмежаванняў і вядзення больш сціплага ладу жыцця.