Օգոստոս 27-ին ՀՀ սփիւռքի նախարարութեան մօտ տեղի ունեցաւ սուրիահայերու հիմնախնդիրները
համակարգող միջգերատեսչական յանձնաժողովի հերթական նիստը: Այս մասին կը հաղորդէ ՀՀ սփիւռքի
նախարարութեան մամուլի վարչութիւնը: Կատարուած աշխատանքները եւ նախատեսուող ծրագրերը
ներկայացուց ՀԲԸՄ Հայաստանի ներկայացուցչութեան տնօրէնի պաշտօնակատար Յովիկ Էօրդեքեան:
Կազմակերպութիւնը մարդասիրական առաքելութիւն իրականացուցած է Սուրիոյ, Լիբանանի եւ Հայաստանի
մէջ: ՀԲԸՄ կոչով սուրիահայերու օգնութեան ֆոնտին հաւաքուած է 600 հազար տոլար: Օգնութիւն
ցուցաբերուած է Հալէպի մէջ 300 եւ Դամասկոսի մէջ 500 ընտանիքի: Գամիշլիի եւ Լաթաքիոյ
մէջ միութիւնը հոգացած է բժշկական օգնութեան, դեղորայքի, կացարանի հարցերը: Նախարարը
շնորհակալութիւն յայտնեց եւ մասնաւորապէս նշեց. «Սիրիական ճգնաժամի առաջին օրերից Հայ
Բարեգործական Ընդհանուր Միութիւնը մեր կողքին է եւ արդէն մի քանի խոշոր ծրագրեր է իրականացրել:
Մասնակցել է Հայաստանում սիրիահայ ուսանողների կրթավճարների փոխհատուցմանը»: «Առաքելութիւն
Հայաստան» բարեգործական հասարակական կազմակերպութեան` «Սիրիահայերի աջակցութեան 2012-2014թթ
ծրագրեր»-ի վերաբերեալ զեկուցումով հանդէս եկաւ կազմակերպութեան նախագահ Հռիփսիմէ Կիրակոսեան: «Հալէպ»
հայրենակցական բարեսիրական կազմակերպութեան իրականացուցած աշխատանքները եւ յետագայ ծրագրերը
ներկայացուց ՀԿ-ի նախագահ Անի Բալըխեան: Ամփոփելով նիստը` նախարար Հրանոյշ Յակոբեան
շնորհակալութիւն յայտնեց զեկուցողներուն եւ գերատեսչութիւններու, ՀԿ-ներու ներկայացուցիչներուն
կատարած աշխատանքի համար, նշելով, որ միասնական աշխատանքով լուծումներ տրուած են յատկապէս
սիրիահայերը յուզող կարեւորագոյն խնդիրներուն: Ի գիտութիւն ընդունուեցաւ ՀԲԸՄ եւ «Հալէպ»
հասարակական կազմակերպութեան առաջարկը` այսուհետեւ աշխոյժացնել աշխատանքները «Նոր Հալէպ»
բնակարանաշինական ծրագրի իրականացման ուղղութեա