Патрыярхі Усходніх Цэркваў заклікаюць да асуджэння злачынстваў джыхадзістаў
Патрыярхі і епіскапы
Усходніх Цэркваў асуджаюць “злачынствы супраць чалавецтва” здзейсненыя тэрарыстамі
“Ісламскай дзяржавы Ірака і Леванды” супраць хрысціян, язідаў і іншых меншасцяў, гаворыцца
ў паведамленні апублікаваным 27 жніўня 2014 г., на заканчэнне іх пасяджэння ў Бкерке,
ліванскім мястэчку ў 25 км ад Бейрута. Патрыярхі падкрэслілі, што прысутнасць хрысціян
знаходзіцца пад пагрозай у розных краінах, асабліва ў Егіпце, Сірыі і Іраку. “Хрысціяне
гэтых краін з’яўляюцца ахвярамі агрэсіі і злачынстваў з прычыны нянавісці, якія прымушаюць
пакідаць краіны, дзе хрысціяне жывуць больш за тысячу гадоў. Ісламскія і арабскія
грамадствы, такім чынам, пазбаўляюцца чалавечага, культурнага, навуковага, эканамічнага
і нацыянальнага багацця”, - адзначаецца ў дакуменце.
Хрысціянскія лідэры Блізкага
Усходу нагадалі пра “вялікую катастрофу, якая абрынулася зараз на хрысціян Ірака ў
Масуле і 13 іншых пасяленнях даліны Нінівы, а таксама на язідаў і іншыя меншасці”,
пасля таго, як ісламскія тэрырысты прымусілі ўцякаць каля 120 тыс. чалавек, апаганілі
касцёлы, мячэці і санктуарыі, разбурылі дамы пакінутыя бежанцамі.
Кіраўнікі
Усходніх Цэркваў выказалі падзяку тым, хто аказвае дапамогу ахвярам агрэсіі і выступілі
з рашучым патрабаваннем спыніць злачынствы джыхадзістаў. Хрысціянскія лідэры звярнуліся
таксама да ісламскіх арганізацый, з заклікам асуджэння дзейнасці тэрарыстаў, якія
пагражаюць вобразу іслама ў свеце.
На заканчэнне ліванскай сустрэчы Патрыярхі
і кіраўнікі Цэркваў Блізкага Усходу сустрэліся з Апостальскім нунцыем у Ліване арцыбіскупам
Габрыэлем Кача, пасламі ЗША, Расіі і Вялікабрытаніі, асабістым прадстаўніком Генсека
ААН у Ліване, а таксама першымі сакратарамі пасольстваў Францыі і Кітая.