Ս. Աթոռի Պետական Քարտուղարին համար Իրաքի ընդհարումը իսլամ-քրիստոնեայ առճակատում մը
չէ։
''Իսլամներու մեծամասնութիւնը կը մերժէ իսլամական պետութիւնը''։ Կարտինալ
Փարոլին` Ս. Աթոռի Պետական Քարտուղարը մամլոյ հետ ելոյթ ունենալով հաստատած է որ Իրաքի
ընդհարումը իսլամ-քրիստոնեայ առճակատում մը չէ եւ թէ մահմետականներու մեծամասնութիւնը
կը մերժէ իսլամ պետութեան վայրենի ու տմարդի վարուելակերպը։ Ս. Աթոռի Պետական Քարտուղարը
ապա ընդգծած է միջազգային հասարակութեան միջամտութեան հարկաւորութիւնը, որպէսզի Իրաքը
առանձին չգտնուի լուծելու իր հարցերը։ Կարտինալ Փարոլին հուսկ յայտնեց իր մտահոգութիւնը
հանդէպ Իրաքի քրիստոնեաներուն եւ այլ փոքրամասնութիւններուն ըսելով. ''աղօթքս է որ անոնք
շուտով կարողանան իրենց տունը վերադառնալ''։