“Больш не рабы, але браты” – тэма Сусветнага дня супакою 2015
“Больш не рабы, але
браты”, – такую тэму папа Францішак выбраў для 48-га Сусветнага дня супакою, які будзе
адзначацца 1 студзеня 2015 г. З гэтай нагоды Папская рада “Iustitia et pax” апублікавала
спецыяльнае паведамленне. “Часта лічыцца, што рабства гэта з’ява з мінулага. Аднак,
гэта сацыяльная язва моцна прысутнічае таксама і ў сучасным свеце. Пасланне на 1 студзеня
2014 г. было прысвечана братэрству: “Братэрства – фундамент і шлях да міру”. Быццё
дзецьмі Божымі, сапраўды робіць людзей братамі і сёстрамі з роўнай годнасцю. Рабства
наносіць смяротны ўдар гэтаму паўсюднаму братэрству і, такімі чынам, міру. Мір існуе,
калі людзі распазнаюць у іншых братоў з аднолькавай годнасцю”, - гаворыцца ў ватыканскім
дакуменце.
Папская рада “Iustitia et pax” звяртае ўвагу на тое, што сёння
рабства мае мноства розных абліччаў: гандлю людзьмі, гандлю мігрантамі і прастытуцыі,
рабскай працы, выкарыстання чалавека чалавекам, рабаўладальніцкай ментальнасці ў адносінах
да жанчын і дзяцей. “На гэтым рабстве ганебна спекулююць індывідуўмы і групы, здабываючы
выгаду з трываючых у свеце канфліктаў, наступстваў эканамічнага крызісу і карупцыі.
Рабства – гэта жудасная, адкрытая рана на цела сучаснага грамадсва, гэта глыбокая
язва на цела Хрыста!”, - адзначаецца ў пасланні.
Для таго, каб эфектыўна супрацьстаяць
феномену сучаснага рабства, неабходна паўсюднае прызнанне непарушнай годнасці кожнай
чалавечай асобы, моцнае ўсведамленне братэрства, перамога над няроўнасцямі, з прычыны
якіх чалавек становіцца рабом іншага чалавека, а таксама пастаянная блізкасць і бескарыснасць,
на шляху вызвалення і ахоплівання ўсіх, перакананы ў Ватыкане.
“Мэтай з’яўляецца
будаванне грамадства, заснаванага на аднолькавай годнасці ўсіх людзей, без якіх-небудзь
дыскрымінацый. Таму, неабходна інфармацыйная адукацыйная, культурная дзейнасць на
карысць грамадстваў абноўленых і падрыхтаваных да свабоды, справядлівасці і, такім
чынам, міру”, - гаворыцца ў пасланні.
Сусветны дзень супакою быў устаноўлены
па ініцыятыве папы Паўла VI і адзначаецца кожны год 1 студзеня. Пасланне Святога Айца
распаўсюджваецца ва ўсім свеце і ўяўляе сабой дыпламатычную лінію Апостальскай Сталіцы
на бліжэйшы год.