ജെയിംസ് ഫോളി ജിഹാദികളുടെ കൈകളില് പൊലിഞ്ഞ കര്മ്മയോഗി
20 ആഗസ്റ്റ് 2014, ഇറാക്ക് അമേരിക്കന് മാധ്യമ പ്രവര്ത്തകന് ജെയിംസ് ഫോളി ജിഹാദികളുടെ
കൈയ്യില് ക്രൂരമായി കൊല്ലപ്പെട്ടു.
2012-ല് സിറയയില് ബന്ധിയാക്കപ്പെട്ട
ഫോളിയെ ഇറാക്കിലെ ഇസ്ലാമിക വിമതര് ക്രൂരമായി ശിരച്ഛേദനം ചെയ്യുന്ന video clipping ഇസ്ലാമിക
വിമതര് ആഗസ്റ്റ് 19-ന് ചൊവ്വാഴ്ച പുറത്തുവിട്ടതോടെയാണ് അജ്ഞാതമായിരുന്ന കത്തോലിക്കാ
മാധ്യമപ്രവര്ത്തകന്, ജെയിംസ് റൈറ്റ് ഫോളിയുടെ മരണം സ്ഥിരീകരിക്കപ്പെട്ടത്.
ഒരാഴ്ച
മുന്പ് അമേരിക്കന് പ്രസിഡന്റ്, ബറാക്ക് ഒബാമാ സുന്നി വിമതര്ക്കെതിരെ തുടക്കമിട്ട
വ്യോമാക്രമണത്തിന് തിരിച്ചടിയാണ് ഫോളിയുടെ വധംമെന്ന്, ക്രൂരതയുടെ വീഡിയോ clipping-ന്
ആമുഖമായി ഇംഗ്ലിഷില് നടത്തിയ പ്രസ്താവന ധരിപ്പിച്ചു.
അവധിക്ക് മാര്ത്താസ് വീനിയാര്ഡിലായിരുന്ന
അമേരിക്കന് പ്രസിഡന്റ് യുവമാധ്യമ പ്രവര്ത്തകന് ജെയിസ് ഫോളിയുടെ മരണത്തില് ബുധനാഴ്ച
രാവിലെ നടത്തിയ ഔദ്യോഗിക പ്രസ്താവനയില് അതിയായ ദുഃഖം രേഖപ്പെടുത്തി. ജിഹാദികള് മതങ്ങളിലൊന്നും
വിശ്വാസമില്ലാത്തവരാണെന്നും, മൃഗീയമാണ് ഈ മനുഷ്യക്കുരുതിയെന്നും ഒബാമാ പ്രസ്താവിച്ചു.
തിന്മയുടെ ശക്തികള്ക്കെതിരായ പോരാട്ടത്തില്നിന്നും ഭീഷണികൊണ്ട് അമേരിക്കന് ജനതയെ പിന്തിരിപ്പിക്കാനാവില്ലെന്നും
പ്രസിഡന്റ് ഒബാമാ കൂട്ടിച്ചേര്ത്തു. Photo : James Wright Foley journalist
at the Northwestern University during the Media Lecture