Իսրայէլի վարչապետ Պենիամին Նեթանիահու իսրայէլեան բանակին հրահանգեց վերսկսիլ հարուածները
Կազայի դէմ` պատրուակելով, որ այդտեղէն երեք հրթիռ արձակուած է: Իսրայէլեան կառավարութենէն
աղբիւր մը «Ռոյթըրզ»-ին յայտնեց. «Համասի կողմէ զինադադարի խախտումին իբրեւ պատասխան
վարչապետն ու պաշտպանութեան նախարարը հրաման արձակած են վերսկսելու հարուածները Կազայի
հատուածի ահաբեկչական թիրախներուն ուղղութեամբ»: Ի պատասխան Իսրայէլի կողմէ գործուած
օդային հարուածներուն, պաղեստինեան դիմադրութիւնը հրթիռակոծեց տարբեր իսրայէլեան բնակեցման
վայրեր: 19 օգոստոսի լուսցող գիշերը Պաղեստինի եւ Իսրայէլի ներկայացուցիչները Գահիրէի
մէջ բանակցութիւններու ընթացքին համաձայնած էին զինադադարը յաւելեալ 24 ժամով երկարաձգելու: 11
օգոստոսէն ի վեր Եգիպտոսի մէջ իսրայէլեան եւ պաղեստինեան պատուիրակութեանց միջեւ բանակցութիւններ
կը կատարուին` Կազայի մէջ զինադադար հաստատելու համար: