Францішак атрымлівае шматлікія спачуванні ў сувязі з гібеллю блізкіх
Папа Францішак падзякаваў
за падтрымку і салідарнасць, якую адчувае ў сувязі з трагічнай гібеллю ў дарожным
здарэнні жонкі і двух маленькіх дзяцей ягонага пляменніка Эмануэля Гарасія Берголіа.
“Дзякую вам, за малітвы і спачуванні, у сувязі з тым, што здарылася ў маёй сям’і.
Таксама і Папа мае сям’ю. Нас было пяць братоў. Я маю шаснаццаць пляменнікаў і адзін
з іх патрапіў у дарожнае здарэнне: загінула яго жонца, а таксама два маленькія сыны
– адзін двухгадовы, а другі меў толькі некалькі месяцаў. Сам пляменнік зараз знаходзіцца
ў крытычным стане. Але я вам вельмі, вельмі дзякую, за спачуванні і малітву”, - сказаў
Папа падчас агульнай аўдыенцыі 20 жніўня 2014 г.
Пляменнік Святога Айца Эмануэль
Берголіа знаходзіцца ў аддзяленні інтэнсіўнай хірургіі аднаго са шпіталёў на поўначы
Аргентыны. З Буэнас-Айрэса туды прыбыла яго маці, удава Альберта Берголіа, роднага
брата Пантыфіка і дзве яе сястры. Міністэрства замежных спраў Аргентыны звярнулася
да Святога Айца ад імя кіраўніка дзяржавы Крысціны Кіршнер. “Папа Францішак, – гаворыцца
ў тэксце тэлеграмы – заўсёды быў побач з пакутуючымі і сёння, у хвіліну яго болю,
аргентынцы ўзрушаны гэтай трагедыяй”. Іншыя пасланні былі адпраўлены Пантыфіку з кожнага
з рэгіёнаў краіны. У шматлікіх парафіях праводзяцца малітвы аб вечным супакоі для
загінуўшых.
Трагічнае дарожнае здарэнне, у якое патрапіла сям’я пляменніка
Папы, адбылося ноччу 19 жніўня 2014 г. у 550 км на поўнач ад Буэнас-Аэрэса, у правінцыі
Кардоба.