Святы Айцец распавёў пра сваё падарожжа ў Паўднёвую Карэю
Падчас агульнай аўдыенцыі
ў ватыканскай Зале Паўла VI 20 жніўня 2014 г., папа Францішак расказаў пра сваё апостальскае
падарожжа ў Паўднёвую Карэю, якое здзейсніў 13-18 жніўня 2014 г. “Я меў магчымасць
наведаць малады і дынамічны Касцёл, заснаваны на сведчанні мучанікаў і натхнёны місійным
духам, у краіне дзе сустракаюцца старажытныя азіяцкія культуры і вечная навізна Евангелля”,
- сказаў Папа. Ён падкрэсліў, што выказаць сутнасць яго падарожжа можна трыма словамі:
памяць, надзея і сведчанне. “Рэспубліка Карэя – гэта краіна, якая ажыцявіла значнае
і хуткае эканамічнае развіццё. Яе жыхары з’яўляецца вялікімі працаўнікамі, дысцыплінаванымі
і павінны захоўваць сілу, атрыманую ў спадчыну ад сваіх продкаў”, - сказаў Папа. “У
гэтай сітуацыі, Касцёл з’яўляецца храніцелем памяці і надзеі; гэта духоўная сям’я
ў якой дарослыя перадаюць моладзі паходню веры атрыманую ад пажылых; памяць сведкаў
мінулага становіцца новым сведчаннем у цяперашнім і надзеяй на будучыню. Праз гэту
перспектыву трэба глядзець на дзве галоўныя падзеі гэтага падарожжа: беатыфікацыю
124 карэйскіх мучанікаў, якія далучыліся да кананізаваных 30 гадоў таму св. Янам Паўлам
ІІ; і сустрэчу з моладзю, з нагоды VI Дзён азіяцкай моладзі”, - адзначыў Пантыфік.
Францішак
заўважыў, што малады чалавек заўсёды шукае нечага, дзеля чаго варта жыць, а мучанік
дае сведчанне аб чымсьці, ці дакладней, аб Кімсьці, дзеля каго варта аддаць жыццё.
“Гэта рэальнасць з’яўляецца Любоўю, Богам, які ўцелавіўся ў Езусе, Сведку Айца”, -
падкрэсліў Пантыфік.
“Касцёл у Карэі захоўвае таксама памяць пра першасную
ролю, якую мелі свецкія вернікі, як для вытокаў веры, так і евангелізацыйнай дзейнасці.
На гэтай зямлі, сапраўды, хрысціянская супольнасць не была заснавана місіянерамі,
але групай маладых карэйцаў у другой палове XVIII ст., якія былі прываблены некаторыямі
хрысціянскімі тэкстамі, глыбока іх вывучалі і выбіралі ў якасці нормы для ўласнага
жыцця. Адзін з іх быў адпраўлены ў Пекін, каб атрымаць хрост і затым, у сваю чаргу,
хрысціў сваіх паплечнікаў. З гэтай першай ячэйкі развілася вялікая супольнасць, якая
ад самага пачатку і на працягу стагоддзя падвяргалася гвалтоўнаму пераследу, з тысячамі
мучанікаў. Такім чынам, Касцёл у Карэі заснаваны на веры, на місійнай дзейнасці і
мучаніцтве свецкіх вернікаў”, - сказаў Папа.
Францішак адзначыў, што першыя
карэйскія хрысціяне жылі па прыкладзе апостальскай ерузалемскай супольнасці, гэта
значыць “братэрскай любоўю, якая пераўзыходзіць любыя сацыяльныя адрозненні”. “Таму
я заклікаў сённяшніх хрысціян быць шчодрымі ў дзяленні з беднымі і маргіналізаванымі,
згодна са словамі з 25 радзела Евангелля паводле св. Мацвея: “Тое, што вы зрабілі
аднаму з гэтых братоў Маіх меншых, вы Мне зрабілі”, расказаў ён.
“Дарагія браты,
у гісторыі веры ў Карэі бачна, як Хрыстус не адмяняе культуры, не знішчае шлях народаў,
якія на працягу стагоддзяў і тысячагоддзяў шукаюць праўды і жывуць любоўю да Бога
і бліжняга. Хрыстус не адмяняе тое, што добрае, але прыводзіць гэта да спаўдення.
Тое, з чым Хрыстус змагаецца і знішчае – так гэта злы, які сее пустазелле паміж людзьмі
і народамі; які нараджае маргіналізацыю з прычыны ідалапаклонства перад грашыма; які
сее атруту пустэчы ў сэрцах моладзі. З гэтым Хрыстус змагаўся і перамог сваёй Ахвярай
любові. І калі застанемся ў Ім, у Яго любові, таксама і мы, як і мучанікі, зможам
жыць і сведчыць аб Яго перамозе”, - падкрэсліў Святы Айцец.
На заканчэнне агульнай
аўдыенцыі Пантыфік нагадаў, што 20 жніўня Касцёл успамінае св. Бернарда, абата і Доктара
Касцёла. Папа заклікаў углядацца ў прыклад яго любові да Маці Божай, каб умацоўваць
сваё хрысціянскае жыццё, каб ніколі не быць пераможанымі грахом і жыць плёнамі ласкаў,
атрыманых ад Езуса Хрыста.