Францішак памаліўся ў санктуарыі карэйскіх мучанікаў
Трэці дзень апостальскага
падарожжа ў Паўднёвую Карэю, папа Францішак пачаў з наведвання санктуарыя мучанікаў
у Сасамуне, у прадмесці Сеула. Гаворка ідзе пра месца катаванняў і забойстваў шматлікіх
хрысціян у XVIII-ХІХ стст. Скрыжаванне за брамамі Сасамуна ўяўляла сабой месца публічнай
казні. Сёння на гэтай тэрыторыі пасаджаны парк, у якім знаходзяцца памятныя скульптуры
і абеліск ў гонар 44 карэйскіх мучанікаў за веру. Яшчэ ў 1892 г. недалёка ад Сасамуна
быў удзведзены першы каталіцкі касцёл у Карэі. Візіт папы Францішка быў нядоўгім.
Ён у цішыні памаліўся тут, а затым накіраваўся на цэнтральную плошчу Сеула, Кванхвамун,
каб узначаліць беатыфікацыю Пола Юн Джы-чжуна і яго 123 паплечнікаў, загінуўшых за
веру.