Եւրոպական Խորհուրդի ընդհանուր քարտուղարը ողջունած է Սոչիի հանդիպումը
«Արմէնփրես» կը հաղորդէ, որ Եւրոպական խորհուրդի ընդհանուր քարտուղար Թորպիոռն Եակլանտ
ողջունած է Սոչիի մէջ տեղի ունեցած Հայաստանի, Ռուսիոյ եւ Ազրպէյճանի նախագահներու երկկողմ
հանդիպումը: Եւրոպական խորհուրդի ընդհանուր քարտուղարին հրապարակած յայտարարութեան
մէջ մասնաւորաբար կ՛ըսուի. «Հետեւելով հայ-ազրպէյճանական պետական սահմանին եւ շփման գիծին
վրայ տեղի ունեցած վերջին միջադէպերուն, այս հանդիպումները դրական են երկխօսութեան վերսկսման
առումով»: Եակլանտ կոչ ուղղած է` ձեռնարկելու բոլոր կարելի ջանքերուն զոհերու պատճառ
դարձած բռնութեան վերջ տալու համար եւ ցաւակցած է զոհերու հարազատներուն: