Քերրի կոչ կ՝ուղղէ Իսրայէլիան եւ Պաղեստինեան պետութիւններուն
՝՝յառաջանալ դէպի լաւ
ապագայ՝՝
Միացեալ Նահանգներու արտաքին գործոց նախարար Ճոն Քերրի կոչ ուղղեց վերակենդանացնելու
պաղեստինեւիսրայէլեան բանակցութիւնները եւ հաստատուած զինադադարն ու Գահիրէի մէջ նախատեսուած
բանակցութիւններուն առիթը օգտագործելու` քննարկելու համար երկու պետութեան հիմամբ լուծումը:Քերրի յոյս յայտնեց, որ Կազայի մէջ հաստատուած զինադադարը կողմերուն առիթ մը կ՛ըլլայ քննարկելու խաղաղութեան հաստատման վերաբերեալ ոչ ժամանակաւոր հիմնական հարցեր` նշելով, որ այդ հարցերէն են դիմադրութիւնը զինաթափելը եւ «դէպի աւելի լաւ ապագայ յառաջանալը»:
Միւս կողմէ, Պաղեստինեան շարժումները վստահեցուցին, որ Կազայի մէջ պաղեստինեան դիմադրութեան զէնքը քննարկումի առարկայ չի կրնար ըլլալ: Նախքան այդ, իսրայէլեան ձայնասփիւռի կայանը հաղորդած էր, որ երկարատեւ զինադադարի հաստատման շուրջ Գահիրէի մէջ բանակցութեանց մասնակից իսրայէլեան պատուիրակութիւնը պիտի ներկայացնէ Իսրայէլի գլխաւոր պահանջը` Կազան ապազինեալ շրջանի վերածելը:
| All the contents on this site are copyrighted ©. |