Կազայի մէջ սկիզբ առաւ իսրայէլեան միակողմանի զինադարը
Երկուշաբթի, առաւօտեան ժամը 10.00 ին, Կազայի մէջ սկիզբ առաւ Իսրայէլի կողմէ խնդրուած
միակողմանի զինադադարը, այս մասին հաղորդած է Իսրայէլի բանակի Ռատիօ կայանը։ Մինչ
այդ, կիրակի, 3 օգոստոսին, Կազայի դէմ իսրայէլեան յարձակումը 28-րդ օրն ըլլալով շարունակուեցաւ:
Պաղեստինեան առողջապահութեան նախարարութիւնը հաղորդեց, որ զոհերուն թիւը բարձրացաւ 1830-ի,
իսկ վիրաւորներունը` 9370-ի: Պաղեստինեան դիմադրութիւնը շարունակեց հրթիռակոծել Իսրայէլը:
Իսրայէլեան լրատուամիջոցներ հաղորդեցին, որ երեք իսրայէլացի զինուորներ վիրաւորուած են,
երբ Քասսամի փաղանգներն ու Սարայա Քուտս խմբաւորումը ռմբակոծած են Աշքոլը: Իսրայէլեան
բանակը երէկ յայտարարեց, որ իր սպաներէն Հետար Կոլտըն, որ Ռաֆահի մէջ բախումներէ ետք
ուրբաթ օրուընէ ի վեր ճակատագիրը անյայտ կը նկատուէր, սպաննուած է: Նախքան այդ, նշեալ
սպային ընտանիքը իսրայէլեան կառավարութիւնն ու բանակը ամբաստանած էր ճակատամարտէն ետք
իր զաւակը պաղեստինցիներուն լքելու համար: Ընտանիքը բանակէն պահանջած էր չհեռանալ Կազայէն,
նախքան իր որդին յայտնաբերելը: