Францішак спачувае ў сувязі са смерцю аўстралійскага кардынала
Папа Францішак выказаў
спачуванні ў сувязі са смерцю 90-гадовага аўстралійскага кардынала Эдварда Біда Клэнсі.
Пурпурат адышоў у вечнасць 3 жніўня 2014 г. У сваёй спачувальнай тэлеграме Святы Айцец
узгадаў іерарха з удзячнасцю за яго мудрае душпастырскае кіраўніцтва падчас служэння
ў якасці арцыбіскупа Сіднэя, а таксама клопат аб патрэбах бедных, падтрымку каталіцкай
адукацыі, шырокі разуменне экуменічных і грамадскіх праблем. Кардынал Эдвард Бід Клэнсі
быў арцыбіскупам Сіднэя з 1983 па 2001 г. У 1988 г. атрымаў пурпурны берэт з рук Яна
Паўла ІІ. З 1986 па 2000 гг. узначальваў Канферэнцыю Біскупаў Аўстраліі.