''Սուրիացի ժողովուրդին համար ահաբեկչութեան դէմ պայքարը ճակատագրական է'' կ՛ըսէ Ասատ։
ԻԹԱՐ-ԹԱՍՍ կը հաղորդէ, որ Սուրիոյ նախագահ Պաշշար Ասատ կը հաւատայ, որ Սուրիոյ բանակի
սպաներն ու զինուորները «ունակ են կատարելու իրենց պատմական առաքելութիւնը` ազատել երկիրը
ահաբեկիչներու յարձակումներէն եւ ծայրայեղականներէն»:«Սուրիացի ժողովուրդին համար ահաբեկչութեան դէմ պայքարը ճակատագրական է: Ատիկա պայքար է գոյատեւման եւ անկախութեան համար, որուն մէջ ոչ մէկ թուլացում կրնայ ըլլալ», յայտարարած է Ասատ` երկրի զինեալ ուժերու ստեղծման 69-ամեակին առիթով բանակայիններուն ուղղուած իր ուղերձին մէջ:
Ասատ իր հիացմունքը յայտնած է «հայրենի արժանի զաւակներու խիզախութեան եւ հերոսութեան առնչութեամբ»` ընդգծելով. «Ահաբեկչութեան դէմ պայքարը ճամբայ պիտի բանայ դէպի երկրի խաղաղ վերածնունդ»:
| All the contents on this site are copyrighted ©. |